Ընտանեկան բժշկի ինստիտուտը քաղաքներում չի կայացել

Առողջապահության նախարար Հարություն Քուշկյանը խոստովանել է, որ քաղաքներում ընտանեկան բժշկի ինստիտուտը չի կայացել: Երեկ «Համալսարանական կրթությամբ կանանց ասոցիացիայի» անդամների հետ հանդիպման ժամանակ նա նշել է, որ ինստիտուտը հիմնականում արդարացված է գյուղական բնակավայրերում:

Թե ինչո՞ւ քաղաքներում այն չի կայացել` առողջապահության նախարարությունում պատճառներն ուսումնասիրում են:

Ինչ վերաբերում է իրականավող բարեփոխումներին, ապա նախարարն ասել է, ճանապարհը հեշտ չէ, ուստի հարկավոր է խիզախութուն ունենել խնդիրների մասին ևս խոսելու համար: Իսկ խնդիրները լուծվում են քայլ առ քայլ` նպատակ ունենալով մատուցել որակյալ ու մատչելի բուժօգնություն, ինչպես նաև բարձրացնել առողջապահական համակարգի ու բժշկի կերպարի մասին կարծրատիպերը:

ԱՆ հասարակայնության հետ կապերի վարչության հաղորդմամբ, հանդիպման ընթացքում կարևորվել է այլ խնդիր ևս` բժշկի վերաբերմունքը հիվանդի նկատմամբ: Նախարար Քուշկյանը նշել է, որ այդ վերաբերմունքից շատ բան է կախված ու զարգացած բուժհաստատությունները դա շատ լավ հասկանում են:

Հարցեր, պատասխաններ, մեկնաբանություններ